2015 جىلعى 19 جەلتوقسان, الماتى قالاسى
ورتالىق دەپوزيتاري قىزمەتىن جۇزەگە اسىرۋ قاعيدالارىن بەكىتۋ تۋرالى
«باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قوسا بەرىلىپ وتىرعان ورتالىق دەپوزيتاري قىزمەتىن جۇزەگە اسىرۋ قاعيدالارى بەكىتىلسىن.
2. وسى قاۋلىعا قوسىمشاعا سايكەس قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ كۇشى جويىلدى دەپ تانىلسىن.
3. باعالى قاعازدار سۋبەكتىلەرىنىڭ قاداعالاۋ دەپارتامەنتى (حادجيەۆا م.ج.) زاڭنامادا بەلگىلەنگەن تارتىپپەن:
1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە«قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن.
4. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن.
5. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى و.ا. سمولياكوۆقا جۇكتەلسىن.
6. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ۇلتتىق بانك توراعاسى د.اقىشەۆ
قازاقستان رەسپۋبليكاسى ۇلتتىق بانكى باسقارماسىنىڭ
2015 جىلعى 19 جەلتوقسانداعى № 254 قاۋلىسىمەن بەكىتىلدى
قازاقستان رەسپۋبليكاسىنىڭ كۇشى جويىلدى دەپ تانىلاتىن
نورماتيۆتىك قۇقىقتىق اكتىلەرىنىڭ تىزبەسى
1. «ورتالىق دەپوزيتاري قىزمەتىن جۇزەگە اسىرۋ قاعيدالارىن بەكىتۋ تۋرالى» قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2008 جىلعى 29 جەلتوقسانداعى № 238 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5531 تىركەلگەن).
2. «ورتالىق دەپوزيتاريدە تاۋەكەلدەردى باسقارۋ جۇيەسىنىڭ بولۋىنا قويىلاتىن تالاپتار جونىندەگى نۇسقاۋلىقتى بەكىتۋ جانە قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «ورتالىق دەپوزيتاري قىزمەتىن جۇزەگە اسىرۋ ەرەجەسىن بەكىتۋ تۋرالى» 2008 جىلعى 29 جەلتوقسانداعى № 238 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2010 جىلعى 1 اقپانداعى № 5 قاۋلىسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6100 تىركەلگەن) 2-تارماعى.
3. «قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە باعالى قاعازداردى ۇستاۋشىلار تىزىلىمدەرىنىڭ جۇيەسىن جۇرگىزۋ ماسەلەلەرى بويىنشا تولىقتىرۋلار جانە وزگەرىستەر ەنگىزۋ تۋرالى» قازاقستان رەسپۋبليكاسىنىڭ قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2010 جىلعى 4 قازانداعى № 151 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6633 تىركەلگەن).
4. «قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «ورتالىق دەپوزيتاري قىزمەتىن جۇزەگە اسىرۋ ەرەجەسىن بەكىتۋ تۋرالى» 2008 جىلعى 29 جەلتوقسانداعى № 238 قاۋلىسىنا وزگەرىستەر مەن تولىقتىرۋ ەنگىزۋ تۋرالىقازاقستان رەسپۋبليكاسى ۇلتتىق بانكى باسقارماسىنىڭ 2011 جىلعى 25 قاراشاداعى № 180 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7386 تىركەلگەن,2012 جىلعى 14 ساۋىردە «ەگەمەن قازاقستان» گازەتىندە № 152-156 (27229) جاريالانعان).
5. «قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «ورتالىق دەپوزيتاري قىزمەتىن جۇزەگە اسىرۋ ەرەجەسىن بەكىتۋ تۋرالى» 2008 جىلعى 29 جەلتوقسانداعى № 238 قاۋلىسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2012 جىلعى 26 ناۋرىزداعى № 122 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7587 تىركەلگەن, 2012 جىلعى 24 مامىردا «ەگەمەن قازاقستان» گازەتىندە № 261-266 (27340) جاريالانعان).
6. «باعالى قاعازداردى ۇستاۋشىلار تىزىلىمدەرىنىڭ جۇيەسىن جۇرگىزۋ جونىندەگى قىزمەتتى جۇزەگە اسىراتىن ۇيىمنىڭ تاۋەكەلدەردى باسقارۋ جۇيەسىنىڭ بولۋىنا قويىلاتىن تالاپتاردى بەكىتۋ جانە قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە وزگەرىستەر ەنگىزۋ تۋرالى قازاقستان رەسپۋبليكاسى ۇلتتىق بانكى باسقارماسىنىڭ 2012 جىلعى 24 تامىزداعى № 276 قاۋلىسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7993تىركەلگەن, 2012 جىلعى 27 جەلتوقساندا «ەگەمەن قازاقستان» گازەتىندە № 852-856 (27927) جاريالانعان) بەكىتىلگەنوزگەرىستەر ەنگىزىلەتىن قازاقستان رەسپۋبليكاسىنىڭ قارجى نارىعى مەن قارجى ۇيىمدارىن رەتتەۋ, باقىلاۋ جانە قاداعالاۋ ماسەلەلەرى بويىنشا نورماتيۆتىك قۇقىقتىق اكتىلەرى تىزبەسىنىڭ 2-تارماعى.
7. «قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە قارجى قۇرالدارىمەن وپەراتسيالاردى تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2013 جىلعى 27 تامىزداعى № 215 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8799تىركەلگەن,2013 جىلعى 14 قاراشادا «زاڭ گازەتى» گازەتىندە № 171 (2372) جاريالانعان).
8. «قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە تۋىندى قارجى قۇرالدارىمەن مامىلەلەر ءتىزىلىمىن قالىپتاستىرۋ ماسەلەلەرى بويىنشا تولىقتىرۋلار مەن وزگەرىستەر ەنگىزۋ تۋرالى قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 3 اقپانداعى № 11 قاۋلىسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9264تىركەلگەن, 2014 جىلعى 16 ساۋىردە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) بەكىتىلگەن «تۋىندى قارجى قۇرالدارىمەن مامىلەلەر ءتىزىلىمىن قالىپتاستىرۋ ماسەلەلەرى بويىنشا تولىقتىرۋلار مەن وزگەرىستەر ەنگىزىلەتىن قازاقستان رەسپۋبليكاسىنىڭ نورماتيۆتىك قۇقىقتىق اكتىلەرى تىزبەسىنىڭ 2-تارماعى.
9. «قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ ۇلتتىق بانكى باسقارماسىنىڭ 2014 جىلعى 27 تامىزداعى № 168 قاۋلىسىمەن(نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №9796 تىركەلگەن, 2014 جىلعى 12 قاراشادا«قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) بەكىتىلگەنقازاقستان رەسپۋبليكاسىنىڭ وزگەرىستەر مەن تولىقتىرۋلار ەنگىزىلەتىن نورماتيۆتىك قۇقىقتىق اكتىلەرى تىزبەسىنىڭ 9-تارماعى.
10. «قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە قارجى نارىعىن جانە قارجى ۇيىمدارىن رەتتەۋ, باقىلاۋ مەن قاداعالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 22 قازانداعى № 191 قاۋلىسىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №9894 تىركەلگەن, 2014 جىلعى 28 قاراشادا«قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) بەكىتىلگەن قازاقستان رەسپۋبليكاسىنىڭ قارجى نارىعىن جانە قارجى ۇيىمدارىن رەتتەۋ, باقىلاۋ مەن قاداعالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزىلەتىن نورماتيۆتىك قۇقىقتىق اكتىلەرى تىزبەسىنىڭ 3-تارماعى.
قازاقستان رەسپۋبليكاسى ۇلتتىق بانكى باسقارماسىنىڭ
2015 جىلعى 19 جەلتوقسانداعى №254 قاۋلىسىمەن بەكىتىلدى
ورتالىق دەپوزيتاري قىزمەتىن جۇزەگە اسىرۋ قاعيدالارى
1. جالپى ەرەجەلەر
1. وسى ورتالىق دەپوزيتاري قىزمەتىن جۇزەگە اسىرۋ قاعيدالارى (بۇدان ءارى – قاعيدالار) «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – باعالى قاعازدار رىنوگى تۋرالى زاڭ) ازىرلەندى جانە ورتالىق دەپوزيتاري قىزمەتىن جۇزەگە اسىرۋ تالاپتارى مەن ءتارتىبىن بەلگىلەيدى.
2. قاعيدالاردىڭ ماقساتتارى ءۇشىن مىناداي ۇعىمدار پايدالانىلادى:
1) دەپونەنت كليەنتى – نومينالدى ۇستاۋ قىزمەتتەرىن كورسەتۋگە دەپونەنتپەن جاسالعان شارتقا سايكەس دەپونەنتتىڭ قىزمەتتەرىن پايدالاناتىن جەكە نەمەسە زاڭدى تۇلعا;
2) ەسەپ ايىرىسۋ ۇيىمى – ورتالىق دەپوزيتاريدىڭ تاپسىرماسى بويىنشا ۇلتتىق ۆاليۋتادا (قازاقستان رەسپۋبليكاسىنىڭ ۇلتتىق بانكى) جانە شەتەل ۆاليۋتاسىندا (قازاقستان رەسپۋبليكاسىنىڭ باعالى قاعازدار نارىعىندا جانە شەتەلدە كاستودياندىق قىزمەتتى جۇزەگە اسىراتىن ەكىنشى دەڭگەيدەگى بانكتەر, حالىقارالىق جانە شەتەلدىك دەپوزيتاريلەر مەن كاستودياندار) اقشا اۋدارۋدى جانە ەسەپكە الۋدى جۇزەگە اسىراتىن ۇيىم;
3) ەسەپكە الۋ ۇيىمى - تىركەۋشى, كاستوديان بانك, قارجى قۇرالدارىن ەسەپكە الۋ ءۇشىن ورتالىق دەپوزيتاريدىڭ اتىنا جەكە شوتتار اشىلعان حالىقارالىق جانە شەتەلدىك دەپوزيتاريلەر;
4) قوسالقى شوت - ۋاكىلەتتى ورگاننىڭ ليتسەنزياسى نەگىزىندە نەمەسە قازاقستان رەسپۋبليكاسىنىڭ زاڭنامالىق اكتىلەرىنە سايكەس باعالى قاعازدار نارىعىندا ديلەرلىك قىزمەتتى جۇزەگە اسىراتىن دەپونەنتكە (دەپونەنت كليەنتىنە) نەمەسە ۇيىمدارعا تيەسىلى قارجى قۇرالدارىن ەسەپكە الۋعا ارنالعان جەكە شوت شەڭبەرىندە اشىلاتىن قوسالقى شوت;
5) رەزەرۆتىك ورتالىق - ورتالىق دەپوزيتاريدىڭ ەسەپكە الۋ جۇيەسىن قۇرايتىن ەلەكتروندىق دەرەكتەردىڭ ساقتالۋىن جۇزەگە اسىراتىن ۇيىم;
6) ۋاكىلەتتى ورگان – قارجى نارىعىن جانە قارجى ۇيىمدارىن رەتتەۋ, باقىلاۋ جانە قاداعالاۋ جونىندەگى ۋاكىلەتتى ورگان.
3. ورتالىق دەپوزيتاريدىڭ ۇيىمدىق قۇرىلىمىنا:
1) دەپوزيتارلىق قىزمەتتى;
2) قارجى قۇرالدارىمەن مامىلەلەردى تىركەۋ كەزىندە, قارجى قۇرالدارى بويىنشا كىرىستى تولەۋ جانە ولاردى وتەۋ كەزىندە اقشا اۋدارىمدارىن جۇزەگە اسىرۋدى, سونداي-اق دەپونەنتتەردىڭ جانە ولاردىڭ كليەنتتەرىنىڭ اقشاسىن ەسەپكە الۋعا جانە ساقتاۋعا ارنالعان اعىمداعى شوتتاردى اشۋدى جانە جۇرگىزۋدى;
3) تىركەۋشىنىڭ اكتسيالارىن ۇستاۋشىلاردىڭ تىزىلىمدەرى جۇيەسىن جۇرگىزۋدى;
4) قارجى قۇرالدارىمەن مامىلەلەر بويىنشا كليرينگتىك قىزمەتتى;
5) تاۋەكەلدەردى باسقارۋدى;
6) ىشكى ءاۋديتتى جۇزەگە اسىراتىن جەكەلەگەن بولىمشەلەر كىرەدى.
وسى تارماقتىڭ ءبىرىنشى بولىگىنىڭ 4) تارماقشاسىندا كورسەتىلگەن بولىمشەنىڭ بولۋى تۋرالى تالاپ ورتالىق دەپوزيتاريگە, ول قارجى قۇرالدارىمەن مامىلەلەر بويىنشا كليرينگتىك قىزمەتتى جۇزەگە اسىرعان كەزدە قولدانىلادى.
وسى تارماقتىڭ ءبىرىنشى بولىگىندە كورسەتىلگەن بولىمشەلەردىڭ قىزمەتكەرلەرى كليرينگتىك قىزمەتتى جۇزەگە اسىراتىن بولىمشەنى قوسپاعاندا, باسقا بولىمشە قىزمەتكەرلەرىنىڭ فۋنكتسيالارى مەن مىندەتتەرىن قوسا اتقارمايدى.
4. ورتالىق دەپوزيتاري ءوز اكتيۆتەرىنىڭ ەسەبىنەن قارجى قۇرالدارىمەن مامىلەلەردى جۇزەگە اسىرۋ بويىنشا ينۆەستيتسيالىق شەشىمدەردى قابىلداۋ ءۇشىن قۇرامىندا 3 ء(ۇش) ادامنان كەم بولمايتىن ينۆەستيتسيالىق كوميتەتتى قۇرادى.
5. ينۆەستيتسيالىق كوميتەتتىڭ قۇرامىنا:
1) ورتالىق دەپوزيتاريدىڭ اتقارۋشى ورگانىنىڭ مۇشەلەرى;
2) ورتالىق دەپوزيتاريدىڭ تاۋەكەلدەردى باسقارۋدى جۇزەگە اسىراتىن بولىمشەسىنىڭ باسشىسى كىرەدى.
6. ينۆەستيتسيالىق كوميتەتتىڭ مۇشەلەرىن سايلاۋدى ورتالىق دەپوزيتاريدىڭ اتقارۋشى ورگانى جۇزەگە اسىرادى.
7. ينۆەستيتسيالىق كوميتەت قىزمەتىنىڭ ءتارتىبى ورتالىق دەپوزيتاريدىڭ ىشكى قۇجاتتارىندا بەلگىلەنەدى.
8. ورتالىق دەپوزيتاري:
1) رەيتينگتىك اگەنتتىكتەردى;
2) اقپاراتتىق-تالدامالىق قىزمەتتەردى كورسەتەتىن ۇيىمداردى;
3) ورتالىق دەپوزيتاريدىڭ قىزمەتىنە تەحنيكالىق قولداۋ كورسەتۋدى جۇزەگە اسىراتىن ۇيىمداردى;
4) تىركەۋشىنى;
5) كليرينگتىك نەمەسە ەسەپ ايىرىسۋ ۇيىمدارىن (قازاقستان رەسپۋبليكاسىنىڭ ۇلتتىق بانكى قوسپاعاندا) قوسپاعاندا, زاڭدى تۇلعالاردىڭ قۇرىلۋىنا جانە قىزمەتىنە ارالاسپايدى.
9. ورتالىق دەپوزيتاري تىركەۋشىنىڭ اكتسيالارىن ۇستاۋشىلار تىزىلىمدەرىنىڭ جۇيەسىن جۇرگىزۋدى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9803 تىركەلگەن «باعالى قاعازداردى ۇستاۋشىلار تىزىلىمدەرىنىڭ جۇيەسىن جۇرگىزۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 27 تامىزداعى № 167 قاۋلىسىندا جانە ورتالىق دەپوزيتاري قاعيدالارىنىڭ جيناعىندا بەلگىلەنگەن تارتىپپەن جۇزەگە اسىرادى.
10. ورتالىق دەپوزيتاري مەملەكەتتىك باعالى قاعازداردى ۇستاۋشىلاردىڭ تىزىلىمدەرى جۇيەسىن ورتالىق دەپوزيتاريدىڭ قاعيدالارى جيناعىندا بەلگىلەنگەن تارتىپپەن جۇزەگە اسىرادى.
11. ورتالىق دەپوزيتاري كليرينگتىك ۇيىمدارعا جانە (نەمەسە) ۇيىمداستىرىلعان باعالى قاعازدار نارىعىنىڭ ورتالىق قارسى اگەنتتەرىنە قىزمەتتەردى قاعيدالاردا جانە ورتالىق دەپوزيتاري قاعيدالارىنىڭ جيناعىندا بەلگىلەنگەن تالاپتار جانە ءتارتىپ بويىنشا كورسەتەدى.
12. ورتالىق دەپوزيتاري كۇندەلىكتى ورتالىق دەپوزيتاريدىڭ ەسەپكە الۋ جۇيەسىن قۇرايتىن ەلەكتروندىق دەرەكتەردى رەزەرۆتىك كوشىرۋدى جانە ساقتاۋدى جۇزەگە اسىرادى.
رەزەرۆتىك كوشىرمەلەر اقپاراتقا رۇقسات ەتىلمەگەن كىرۋدەن قورعالۋعا ءتيىس جانە ولاردى جاڭارتىلعان رەزەرۆتىك كوشىرمەلەرگە اۋىستىرعانعا دەيىن ساقتالادى.
رەزەرۆتىك كوشىرمەلەردى ساقتاۋ سىرتقى اقپارات تاسىمالداعىشتاردا رەزەرۆتىك ورتالىقتا نە ۋاكىلەتتى ورگاننىڭ سەيفتىك وپەراتسيالاردى جۇزەگە اسىرۋعا ليتسەنزياسى بار ۇيىمدا جۇزەگە اسىرىلادى.
ورتالىق دەپوزيتاري رەزەرۆتىك كوشىرمەلەردى ساقتاۋ شارتى جاسالعان (بۇزىلعان) كۇننەن باستاپ كۇنتىزبەلىك 10 (ون) كۇن ىشىندە بۇل تۋرالى ۋاكىلەتتى ورگانعا شارت جاسالعان (بۇزىلعان) ۇيىمنىڭ اتاۋىن, سونداي-اق شارتتىڭ كۇنى مەن ءنومىرىن كورسەتە وتىرىپ, حابارلايدى.
2. دەپوزيتارلىق قىزمەت كورسەتۋ شارتى جانە بانك شوتىنىڭ شارتى
13. دەپوزيتارلىق قىزمەتتى جۇزەگە اسىرعان كەزدە ورتالىق دەپوزيتاريدىڭ كليەنتتەرى باعالى قاعازدار رىنوگى تۋرالى زاڭنىڭ 78-بابى 3-تارماعىندا كورسەتىلگەن تۇلعالار بولىپ تابىلادى.
ورتالىق دەپوزيتاري بانك شوتتارىن اشۋ جانە جۇرگىزۋ وپەراتسيالارىن جۇرگىزگەن كەزدە ورتالىق دەپوزيتاريدىڭ كليەنتتەرى باعالى قاعازدار رىنوگى تۋرالى زاڭنىڭ 78-بابى 3-تارماعىنىڭ 1), 2), 3), 4), 5) جانە 6) تارماقشالارىندا كورسەتىلگەن, ورتالىق دەپوزيتاريمەن بانك شوتى (اعىمداعى جانە كوررەسپوندەنتتىك) شارتىن جاساعان ۇيىمدار بولىپ تابىلادى.
14. ورتالىق دەپوزيتاريدىڭ قىزمەتتەرىن پايدالاناتىن سۋبەكتىلەر ورتالىق دەپوزيتاري قاعيدالارىنىڭ جيناعىن ساقتايدى.
ورتالىق دەپوزيتاري ءوز كليەنتتەرىنە جانە ساۋدا-ساتتىقتى ۇيىمداستىرۋشىلارعا قاعيدالار جيناعىنا بارلىق وزگەرىستەر مەن تولىقتىرۋلار تۋرالى, سونداي-اق ۇسىنىلاتىن قىزمەتتەرگە اقى تولەۋدىڭ مولشەرىندەگى جانە تارتىبىندەگى وزگەرىستەر تۋرالى ولاردى قولدانىسقا ەنگىزۋ كۇنىنە دەيىنگى كۇنتىزبەلىك 15 (ون بەس) كۇننەن كەشىكتىرمەي حابارلايدى.
15. ورتالىق دەپوزيتاري باعالى قاعازدار رىنوگى تۋرالى زاڭنىڭ 78-بابى 3-تارماعىنىڭ 1), 2), 3), 4), 5) جانە 6) تارماقشالارىندا كورسەتىلگەن كليەنتتەرمەن دەپوزيتارلىق قىزمەت كورسەتۋ شارتتارىن جانە بانك شوتى شارتتارىن جاسايدى. شارتتار جازباشا تۇردە جاسالۋعا ءتيىس.
ورتالىق دەپوزيتاري باعالى قاعازداردى نومينالدى ۇستاۋ قىزمەتتەرىن كورسەتكەن كەزدە دەپوزيتارلىق قىزمەت كورسەتۋ شارتىندا قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىنا سايكەس نومينالدى ۇستاۋ تۋرالى شارتىنىڭ نورمالارى قامتىلادى.
بانك شوتىن جاساۋدىڭ تالاپتارى مەن ءتارتىبى قازاقستان رەسپۋبليكاسىنىڭ بانكتەر جانە بانك قىزمەتى تۋرالى زاڭناماسىندا جانە ورتالىق دەپوزيتاري قاعيدالارىنىڭ جيناعىندا بەلگىلەنەدى.
3. ورتالىق دەپوزيتاريدىڭ دەپوزيتارلىق قىزمەتى
16. ورتالىق دەپوزيتاري ءوز كليەنتتەرىنىڭ ەميسسيالىق باعالى قاعازدارى مەن وزگە دە قارجى قۇرالدارى جونىندەگى مامىلەلەرىن تىركەۋ, قۇقىقتارىن ەسەپكە الۋدى جۇرگىزۋ جانە راستاۋ ماقساتىندا جەكە شوتتاردى (قوسالقى شوتتاردى) اشادى جانە كۇندەرىن, ۋاقىتىن جانە ولاردى جۇرگىزۋ ءۇشىن نەگىزدەرىن كورسەتە وتىرىپ, جەكە شوتتار (قوسالقى شوتتار) بويىنشا بارلىق وپەراتسيالاردىڭ ەسەبىن جۇرگىزەدى.
17. ورتالىق دەپوزيتاري كليەنتتەرىنىڭ قارجى قۇرالدارىن ەسەپكە الۋ ورتالىق دەپوزيتاريدىڭ وزىنە تيەسىلى قارجى قۇرالداردان بولەك بالانستان تىس شوتتاردا جۇرگىزىلەدى.
18. ورتالىق دەپوزيتاريدىڭ ەسەپكە الۋ جۇيەسىندە جەكە شوتتار مىناداي:
1) ۋاكىلەتتى ورگاننىڭ باعالى قاعازدار نارىعىندا كاستودياندىق قىزمەتتى جۇزەگە اسىرۋعا ليتسەنزياسى بار;
2) ۋاكىلەتتى ورگاننىڭ باعالى قاعازدار نارىعىندا بروكەرلىك قىزمەتتى جۇزەگە اسىرۋعا ليتسەنزياسى بار زاڭدى تۇلعالارعا;
3) قازاقستان رەسپۋبليكاسى ۇلتتىق بانكىنە;
4) ۋاكىلەتتى ورگاننىڭ باعالى قاعازدار نارىعىندا ديلەرلىك قىزمەتتى جۇزەگە اسىرۋعا ليتسەنزياسى بار زاڭدى تۇلعالارعا;
5) ديلەرلىك قىزمەتتى ليتسەنزياسىز قازاقستان رەسپۋبليكاسىنىڭ زاڭدارىنا سايكەس جۇزەگە اسىراتىن زاڭدى تۇلعالارعا;
6) شەتەلدىك دەپوزيتاريلەرگە جانە كاستودياندارعا اشىلادى.
ورتالىق دەپوزيتاريدىڭ ەسەپكە الۋ جۇيەسىندە جوعارىدا اتالعان زاڭدى تۇلعالارعا ءبىر جەكە شوتى عانا اشىلادى.
جەكە شوتتى اشۋ ورتالىق دەپوزيتاري «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسىنىڭ زاڭىندا (بۇدان ءارى - قىلمىستىق جولمەن الىنعان كىرىستەردى جىلىستاتۋعا قارسى ءىس-قيمىل تۋرالى زاڭ) كوزدەلگەن كليەنتتى تيىسىنشە تەكسەرۋ جونىندەگى شارالاردى قابىلداعاننان كەيىن جۇرگىزىلەدى.
19. قاعيدالاردىڭ 18-تارمعىنىڭ 4) جانە 5) تارماقشالارىندا كورسەتىلگەن زاڭدى تۇلعالاردىڭ جەكە شوتتارىندا اتىنا وسى جەكە شوت اشىلعان ورتالىق دەپوزيتاري كليەنتىنە تيەسىلى قارجى قۇرالدارىن ەسەپ اۋلعا ارنالعان ءبىر قوسالقى شوت قانا اشىلادى.
20. دەپونەنتتەردىڭ جانە ولاردىڭ كليەنتتەرىنىڭ قارجى قۇرالدارىن بولەك ەسەپكە الۋدى قامتاماسىز ەتۋ ءۇشىن دەپونەنتتىڭ جەكە شوتىندا مىناداي قوسالقى شوتتار اشىلادى:
1) دەپونەنتتىڭ اتىنا اشىلاتىن جانە دەپونەنتكە تيەسىلى قارجى قۇرالدارىن ەسەپكە الۋعا ارنالعان دەپونەنتتىڭ قوسالقى شوتى;
2) دەپونەنتتىڭ اتىنا اشىلاتىن جانە دەپونەنت قايتالاما باعالى قاعازدار نارىعىندا ساتىپ العان قارجى قۇرالدارىن ەسەپكە الۋعا ارنالعان, دەپونەنتتىڭ ساتىپ العان مەنشىكتى باعالى قاعازداردى ەسەپكە الۋعا ارنالعان قوسالقى شوتى;
3) دەپونەنتتىڭ اتىنا اشىلاتىن جانە وسى دەپونەنتتىڭ ورنالاستىرىلماعان قارجى قۇرالدارىن ەسەپكە الۋعا ارنالعان, دەپونەنتتىڭ جاريا ەتىلگەن باعالى قاعازداردى ەسەپكە الۋعا ارنالعان قوسالقى شوتى;
4) دەپونەنت كليەنتىنىڭ اتىنا اشىلاتىن جانە دەپونەنتتىڭ بەلگىلى ءبىر كليەنتىنە تيەسىلى قارجى قۇرالدارىن ەسەپكە الۋعا ارنالعان ۇستاۋشىنىڭ قوسالقى شوتى;
5) نومينالدى ۇستاۋشىنىڭ اتىنا اشىلاتىن جانە نومينالدى ۇستاۋعا بەرىلگەن قارجى قۇرالدارىن ەسەپكە الۋعا ارنالعان نومينالدى ۇستاۋشىنىڭ قوسالقى شوتى.
نومينالدى ۇستاۋشىنىڭ قوسالقى شوتى:
شەتەلدىك دەپوزيتاريدىڭ جانە كاستودياننىڭ كليەنتىنە;
باسقا مەملەكەتتەردىڭ زاڭناماسىنا سايكەس شىعارىلعان قارجى قۇرالدارىن ەسەپكە الۋ ءۇشىن كاستودياننىڭ كليەنتى بولىپ تابىلاتىن قازاقستان رەسپۋبليكاسىنىڭ رەزيدەنت نومينالدى ۇستاۋشىسىنا;
كاستودياننىڭ كليەنتى بولىپ تابىلاتىن قازاقستان رەسپۋبليكاسىنىڭ بەيرەزيدەنت نومينالدى ۇستاۋشىسىنا اشىلادى;
6) ەميتەنتتىڭ اتىنا اشىلاتىن جانە ەميتەنت باعالى قاعازداردىڭ قايتالاما نارىعىندا ساتىپ العان قارجى قۇرالدارىن ەسەپكە الۋعا ارنالعان, ەميتەنتتىڭ ساتىپ العان باعالى قاعازداردى ەسەپكە الۋعا ارنالعان قوسالقى شوتى;
7) ەميتەنتتىڭ اتىنا اشىلاتىن جانە وسى ەميتەنتتىڭ ورنالاستىرىلماعان قارجى قۇرالدارىن ەسەپكە الۋعا ارنالعان, ەميتەنتتىڭ جاريا ەتىلگەن باعالى قاعازداردى ەسەپكە الۋعا ارنالعان قوسالقى شوتى.
21. ورتالىق دەپوزيتاريدىڭ دەپونەنتى نومينالدى ۇستاۋشى رەتىندە كليەنتتەردىڭ شوتتارىن جۇرگىزۋ قۇقىعىمەن كاستودياندىق, بروكەرلىك جانە ديلەرلىك قىزمەتتى قوسا اتقارعان كەزدە:
1) قاعيدالاردىڭ 20-تارماعىنىڭ 4), 6) جانە 7) تارماقشالارىندا كورسەتىلگەن قوسالقى شوتتار نومينالدى ۇستاۋ قىزمەتتەرىن كورسەتۋمەن بروكەرلىك قىزمەتتەردى كورسەتۋ تۋرالى شارتقا سايكەس دەپونەنت ۇسىنعان قوسالقى شوتتى اشۋ جونىندەگى بۇيرىقتىڭ نەگىزىندە اشىلادى;
2) قاعيدالاردىڭ 20-تارماعىنىڭ 4) جانە 5) تارماقشالارىندا كورسەتىلگەن قوسالقى شوتتار دەپونەنت كاستودياندىق قىزمەت كورسەتۋ شارتىنا سايكەس:
قازاقستان رەسپۋبليكاسىنىڭ رەزيدەنتتەرىنىڭ اتىنا, ولارعا تيەسىلى كاستودياندىق قىزمەت كورسەتۋگە بەرىلگەن قارجى قۇرالدارىن ەسەپكە الۋ ءۇشىن;
باسقا مەملەكەتتەردىڭ زاڭناماسىنا سايكەس شىعارىلعان قارجى قۇرالدارىن ەسەپكە الۋ ءۇشىن قازاقستان رەسپۋبليكاسىنىڭ رەزيدەنت نومينالدى ۇستاۋشىلاردىڭ اتىنا;
قازاقستان رەسپۋبليكاسىنىڭ بەيرەزيدەنت نومينالدى ۇستاۋشىلارىنىڭ اتىنا ۇسىنعان قوسالقى شوتتى اشۋ جونىندەگى بۇيرىقتىڭ نەگىزىندە اشىلادى.
22. ورتالىق دەپوزيتاري كليەنتتەرىنىڭ جەكە شوتتارىن (قوسالقى شوتتارىن) اشۋ جانە جۇرگىزۋ ءتارتىبى قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىندا جانە ورتالىق دەپوزيتاري قاعيدالارىنىڭ جيناعىندا بەلگىلەنەدى.
جاسىرىن جەكە شوتتاردى جانە قوسالقى شوتتاردى, سونداي-اق ويدان شىعارىلعان اتتارعا جەكە شوتتاردى جانە قوسالقى شوتتاردى اشۋعا جول بەرىلمەيدى.
23. ورتالىق دەپوزيتاري قارجى قۇرالدارىمەن مامىلەلەردى تىركەۋ بويىنشا وپەراتسيالاردى جانە اقپاراتتىق وپەراتسيالاردى:
1) قاعيدالاردىڭ 13-تارماعىندا كورسەتىلگەن زاڭدى تۇلعالاردىڭ ءتيىستى بۇيرىقتارىنىڭ;
2) ساۋدا-ساتتىقتى ۇيىمداستىرۋشىنىڭ بۇيرىقتارى;
3) كليرينگتىك ۇيىمنىڭ جانە (نەمەسە) ورتالىق قارسى اگەنتتىڭ بۇيرىقتارى;
4) ەميتەنتتىڭ بۇيرىعى جانە تىركەۋشىنىڭ باعالى قاعازداردى ۇستاۋشىلاردىڭ ءتىزىلىمى جۇيەسىندە ورتالىق دەپوزيتاريگە اشىلعان جەكە شوت بويىنشا جۇرگىزىلگەن وسى ەميتەنت شىعارعان قارجى قۇرالدارىن كونۆەرتاتسيالاۋ نەمەسە ايىرباستاۋ كەزىندە قارجى قۇرالدارمەن جاسالعان مامىلەلەردى تىركەۋ جونىندەگى وپەراتسيالار تۋرالى حابارلاماسى (ەسەبى);
5) تىركەۋشى وسىنداي وپەراتسيالاردى ەميتەنتتىڭ بۇيرىعى نەگىزىندە جۇزەگە اسىرعان جاعدايلارداعى تىركەۋشىنىڭ ورتالىق دەپوزيتاريدىڭ جەكە شوتى بويىنشا تىركەلگەن وپەراتسيالارى تۋرالى حابارلاماسىنىڭ (ەسەبىنىڭ);
6) ورتالىق دەپوزيتاريدىڭ قاعيدالار جيناعىندا بەلگىلەنگەن تارتىپپەن ورتالىق دەپوزيتاريمەن شارت جاساعان دەپونەنت كليەنتىنىڭ بۇيرىعى نەگىزىندە جۇزەگە اسىرادى.
دەپونەنت كليەنتتەرى ورتالىق دەپوزيتاريگە ونىڭ قاعيدالار جيناعىندا كوزدەلگەن تارتىپپەن جانە تالاپتارمەن ءوتىنىش بەرگەن كەزدە ورتالىق دەپوزيتاري دەپونەنت كليەنتتەرىنىڭ بۇيرىقتارى نەگىزىندە اقپاراتتىق وپەراتسيالاردى جۇزەگە اسىرادى.
24. ورتالىق دەپوزيتاري بۇيرىقتى العان كۇننەن باستاپ كۇنتىزبەلىك 3 ء(ۇش) كۇن ىشىندە ونىڭ ورىندالماۋ سەبەپتەرىن كورسەتە وتىرىپ, جازباشا باس تارتۋدى مىنا:
1) ورتالىق دەپوزيتاري كليەنتىنىڭ باعالى قاعازدار نارىعىندا كاسىبي قىزمەتتى جۇزەگە اسىرۋعا ارنالعان ليتسەنزياسىنىڭ قولدانىلۋىن توقتاتا تۇرعان نەمەسە ايىرعان (قارجى قۇرالدارىن باسقا دەپونەنتتەرگە نومينالدى ۇستاۋعا اۋدارۋ نەمەسە قارجى قۇرالدارىن ورتالىق دەپوزيتاريدىڭ نومينالدى ۇستاۋىنان شىعارۋ بويىنشا وپەراتسيالاردى جانە اقپاراتتىق وپەراتسيالاردى قوسپاعاندا);
2) قازاقستان رەسپۋبليكاسىنىڭ زاڭدارىنا سايكەس باعالى قاعازدار اينالىسىن توقتاتا تۇرۋعا نەمەسە توقتاتۋعا (اقپاراتتىق وپەراتسيالاردى قوسپاعاندا) ۋاكىلەتتىك بەرىلگەن ۋاكىلەتتى ورگان نەمەسە مەملەكەتتىك ورگاندار باعالى قاعازدار اينالىسىن توقتاتا تۇرعان نەمەسە توقتاتقان;
3) باعالى قاعازدار شىعارىلىمىنىڭ تالاپتارىنا سايكەس باعالى قاعازداردىڭ اينالىسىن توقتاتا تۇرعان نەمەسە توقتاتقان (اقپاراتتىق وپەراتسيالاردى, نومينالدى ۇستاۋشى اۋىسقان كەزدە قاجەتتى نەمەسە وسىنداي باعالى قاعازداردى وتەۋ كەزىندە جۇرگىزىلەتىن وپەراتسيالاردى, سونداي-اق ەرىكتى جيناقتاۋشى زەينەتاقى قورى اشقان قوسالقى شوتتاردان باعالى قاعازداردى ەسەپتەن شىعارۋ جانە بىرىڭعاي جيناقتاۋشى زەينەتاقى قورىنا اشىلعان قوسالقى شوتتارعا ەسەپكە الۋ جونىندەگى وپەراتسيالاردى قوسپاعاندا);
4) بۇيرىق ورتالىق دەپوزيتاريدىڭ قاعيدالارى جيناعىندا بەلگىلەنگەن نىسانعا سايكەس كەلمەگەن;
5) بۇيرىقتىڭ تولتىرۋ ءۇشىن مىندەتتى دەرەكتەمەلەرى بولماعان, سونداي-اق تۇزەتۋلەر نەمەسە تۇزەتىلگەن جەرلەر بولعان;
6) بۇيرىقتارداعى قويىلعان قول ۇلگىلەرى ء(مور بەدەرلەرى) نوتاريات كۋالاندىرعان ۇلگىلەرگە (بەدەرلەرگە) سايكەس كەلمەگەن;
7) «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» 2010 جىلعى 2 ساۋىردەگى قازاقستان رەسپۋبليكاسى زاڭىنىڭ 65-بابىنىڭ 6-1-تارماعىندا كورسەتىلگەن جاعدايلاردى قوسپاعاندا, بۇيرىقتا كورسەتىلگەن باعالى قاعازدار جانە (نەمەسە) جەكە شوت (قوسالقى شوت) وقشاۋلانعان;
8) «قازاقستان رەسپۋبليكاسىنداعى بانكتەر جانە بانك قىزمەتى تۋرالى» 1995 جىلعى 31 تامىزداعى قازاقستان رەسپۋبليكاسىنىڭ زاڭىنا سايكەس بىرەۋىنە قاتىستى قايتا قۇرىلىمداۋ جۇرگىزىلگەن بانكتەر قوسىلۋ نىسانىندا قايتا ۇيىمداستىرىلعان كەزدە تىركەلگەن تۇلعالاردىڭ جەكە شوتتارىنان (شوتتارىنا) (قوسالقى شوتتارىنان (قوسالقى شوتتارىنا)) قارجى قۇرالدارىن ەسەپتەن شىعارۋ (ەسەپكە الۋ) بويىنشا وپەراتسيالاردى جۇرگىزۋدى قوسپاعاندا, بۇيرىقتا كورسەتىلگەن قارجى قۇرالدارىنا اۋىرتپالىق سالىنعان;
9) ورتالىق دەپوزيتاري كليەنتتەرىنىڭ شوتتارىندا (قوسالقى شوتتارىندا) قارجى قۇرالدارىنىڭ جانە (نەمەسە) اقشانىڭ قاجەتتى سانى بولماعان;
10) ەگەر قارسى بۇيرىقتى ۇسىنۋ قاجەتتىلىگى قازاقستان رەسپۋبليكاسىنىڭ باعالى قاعازدار نارىعى تۋرالى زاڭناماسىندا بەلگىلەن بولسا, قارسى بۇيرىق بولماعان;
11) ورتالىق دەپوزيتاريدىڭ قارجى قۇرالدارىن نومينالدى ۇستاۋعا (ۇستاۋدان) ەنگىزۋگە (شىعارۋعا) بۇيرىعىن ەسەپكە الۋ ۇيىمىنىڭ ورىنداماعانى تۋرالى حابارلامانى العان;
12) مامىلە قازاقستان رەسپۋبليكاسىنىڭ باعالى قاعازدار نارىعى تۋرالى زاڭناماسىنا سايكەس كەلمەگەن جاعدايلاردا;
13) ورتالىق دەپوزيتاريدىڭ قاعيدالار جيناعىندا بەلگىلەنگەن وزگە جاعدايلاردا رەسىمدەيدى.
جازباشا باس تارتۋ پوچتامەن جانە (نەمەسە) قولعا بەرۋ ارقىلى جانە (نەمەسە) ەلەكتروندىق پوچتامەن جانە (نەمەسە) فاكسيميلدى جانە (نەمەسە) تەلەكستى جانە (نەمەسە) تەلەگرافتىق حابارمەن نەمەسە ورتالىق دەپوزيتاريدىڭ قاعيدالار جيناعىندا كوزدەلگەن وزگە دە ىقتيمال بايلانىس تۇرلەرى ارقىلى جىبەرىلەدى.
25. ورتالىق دەپوزيتاري قۇجاتتاما نىسانىندا شىعارىلعان قارجى قۇرالدارىن جانە كليەنتتەردىڭ ولار بويىنشا قۇقىقتارى تۋرالى جازبالاردى, ونىڭ ىشىندە كورسەتىلگەن اقپاراتتى كوشىرۋ جۇيەسىن جانە جازبالاردى ساقتاۋدىڭ قاۋىپسىز جۇيەسىن پايدالانۋ ارقىلى ساقتاۋ ءۇشىن قاجەتتى جاعدايلاردى قامتاماسىز ەتەدى.
26. ورتالىق دەپوزيتاري قۇجاتتاما نىسانىندا شىعارىلعان قارجى قۇرالدارىن ماتەريالسىزداندىرۋدى ءوزىنىڭ ورتالىق دەپوزيتاري كليەنتتەرىنىڭ جەكە شوتتارىنداعى (قوسالقى شوتتارىنداعى) نومينالدى ۇستاۋدى ەسەپكە الۋ جۇيەسىندە كورسەتىلگەن قارجى قۇرالدارى بويىنشا قۇقىقتارىن ەسەپكە الۋ جانە كۋالاندىرۋ ارقىلى جۇزەگە اسىرادى.
ورتالىق دەپوزيتاري قارجى قۇرالدارى بويىنشا كليەنتتەردىڭ قۇقىقتارىن ورتالىق دەپوزيتاريدىڭ ەسەپكە الۋ جۇيەسىندە جەكە شوتتان (قوسالقى شوتتان) ءۇزىندى-كوشىرمەنى بەرۋ ارقىلى راستايدى.
27. ورتالىق دەپوزيتاري ماتەريالسىزداندىرىلعان قارجى قۇرالدارىن قازاقستان رەسپۋبليكاسىنىڭ باعالى قاعازدار نارىعى تۋرالى زاڭناماسىندا بەلگىلەنگەن تارتىپپەن ساقتاۋدى جۇزەگە اسىرادى.
28. نومينالدى ۇستاۋداعى قارجى قۇرالدارىمەن مامىلەلەر بويىنشا, سونداي-اق باعالى قاعازدار بويىنشا كىرىستى تولەۋ بويىنشا جانە ولاردى وتەگەن كەزدە تولەم اگەنتىنىڭ فۋنكتسيالارىن ورىنداۋ ماقساتىندا ورتالىق دەپوزيتاري بىرمەزگىلدە كليەنتتەرگە نومينالدىق ۇستاۋدى ەسەپكە الۋ جۇيەسىندە جەكە شوتتار (قوسالقى شوتتار) مەن بانك شوتتارىن اشادى.
29. ورتالىق دەپوزيتاري دەپونەنتتەرىنىڭ جانە ونىڭ كليەنتتەرىنىڭ اقشاسىن ەسەپكە الۋ بالانستان تىس شوتتاردا بولەك جۇزەگە اسىرىلادى.
ورتالىق دەپوزيتاري كليەنتتەردىڭ جانە دەپونەنتتەردىڭ اقشاسىن ەسەپكە الۋدى ەكى بانكتىك شوتتار اشۋ جولىمەن جەكە جۇزەگە اسىرادى.
30. ورتالىق دەپوزيتاري كۇن سايىن بروكەرلەردەن جانە (نەمەسە) ديلەرلەردەن ءاربىر كليەنتتىڭ ورتالىق دەپوزيتاريدە اشىلعان شوتىنداعى جانە ەميسسيالىق باعالى قاعازدارمەن جانە وزگە قارجى قۇرالدارىمەن مامىلەلەر جاساۋعا ارنالعان اقشا سوماسى تۋرالى مالىمەتتەردى قابىلداۋدى قامتاماسىز ەتەدى.
بروكەرلەر جانە (نەمەسە) ديلەرلەر ءاربىر كليەنتتىڭ ورتالىق دەپوزيتاريدە اشىلعان شوتىنداعى جانە ەميسسيالىق باعالى قاعازدارمەن جانە وزگە قارجى قۇرالدارىمەن مامىلەلەر جاساۋعا ارنالعان اقشا سوماسى تۋرالى ۇسىنعان مالىمەتتەردى ورتالىق دەپوزيتاري ورتالىق دەپوزيتاريدىڭ ەسەپكە الۋ جۇيەسىندەگى كليەنتتىڭ قوسالقى شوتى جابىلعان كۇننەن باستاپ 5 (بەس جىل) ىشىندە ساقتاۋى ءتيىس.
31. ورتالىق دەپوزيتاري نەمەسە ەسەپ ايىرىسۋ ۇيىمى ورتالىق دەپوزيتاريدىڭ تاپسىرماسى بويىنشا قارجى قۇرالدارىمەن مامىلەلەر جاسالعان كەزدە اقشا بويىنشا ەسەپ ايىرىسۋدى جۇزەگە اسىرادى.
32. ورتالىق دەپوزيتاري باعالى قاعازداردى نومينالدى ۇستاۋ بويىنشا فۋنكتسيالاردى ورىنداۋ اياسىندا ورتالىق دەپوزيتاريدىڭ ەسەپكە الۋ جۇيەسىندە ول تۋرالى مالىمەت بولماعان ونىڭ كليەنتىنىڭ ارتىقشىلىقپەن ساتىپ الۋ قۇقىعىن ىسكە اسىرۋعا ءوتىنىمدى دەپونەنتتەن العاننان كەيىنگى كەلەسى جۇمىس كۇنىنەن كەشىكتىرمەي وسى ءوتىنىمدى ەميتەنتكە جىبەرەدى.
33. ورتالىق دەپوزيتاري نومينالدى ۇستاۋ قىزمەتىن كورسەتۋ ماقساتىندا ءوز اتىنا:
1) باعالى قاعازداردى ۇستاۋشىلاردىڭ ءتىزىلىمى جۇيەسىندە نومينالدى ۇستاۋشىنىڭ جەكە شوتىن;
2) قارجى قۇرالدارىن ەسەپكە الۋ ءۇشىن كاستوديان بانكتەردە, حالىقارالىق جانە شەتەلدىك دەپوزيتاريلەردەگى نومينالدى ۇستاۋدىڭ جەكە شوتتارىن;
3) ورتالىق دەپوزيتاري كىرىستى تولەگەن كەزدە جانە(نەمەسە) ورتالىق دەپوزيتاريدىڭ نومينالدى ۇستاۋىنداعى قارجى قۇرالدارىن وتەگەن كەزدە الاتىن اقشانى ەسەپتەۋ ءۇشىن, سونداي-اق قازاقستان رەسپۋبليكاسىنان تىس جەرلەردە قارجى قۇرالدارىمەن مامىلەلەردى جاساۋ ءۇشىن كاستوديان بانكتەردە, حالىقارالىق جانە شەتەلدىك دەپوزيتاريلەردە بانك شوتتارىن اشادى.
34. ورتالىق دەپوزيتاري مەملەكەتتىك باعالى قاعازداردى جانە ولار بويىنشا قۇقىقتاردى قازاقستان رەسپۋبليكاسىنىڭ زاڭناماسىنا سايكەس ەسەپكە الادى.
ورتالىق دەپوزيتاريدىڭ مەملەكەتتىك باعالى قاعازدارعا دەپوزيتورلىق قىزمەت كورسەتۋدى جۇزەگە اسىرۋ تالاپتارى مەن ءتارتىبى قازاقستان رەسپۋبليكاسىنىڭ زاڭناماسىندا جانە ورتالىق دەپوزيتاريدىڭ قاعيدالار جيىندىعىندا ايقىندالادى.
35. ورتالىق دەپوزيتاري كليەنتتەر جانە (نەمەسە) باعالى قاعازداردى ۇستاۋشىلار الدىندا ولاردىڭ جەكە شوتتارىنىڭ (قوسالقى شوتتارىنىڭ), بانك شوتتارىنىڭ جانە كورسەتىلگەن شوتتار بويىنشا جاسالاتىن وپەراتسيالاردىڭ جاي-كۇيى تۋرالى ەسەپ بەرەدى.
كليەنتتەردىڭ جانە (نەمەسە) باعالى قاعازداردى ۇستاۋشىلاردىڭ جەكە شوتتارىنان (قوسالقى شوتتارىنان) جانە بانك شوتتارىنان ءۇزىندى-كوشىرمەلەردى ۇسىنۋ مەرزىمى ورتالىق دەپوزيتاريدىڭ قاعيدالار جيناعىندا بەلگىلەنەدى.
36. ورتالىق دەپوزيتاري تىركەۋشىنىڭ سۇراتۋى نەگىزىندە ورتالىق دەپوزيتاريدىڭ قاعيدالار جيناعىندا بەلگىلەنگەن تارتىپپەن اينالىس مەرزىمى وتكەن, ەميتەنتتىڭ ولاردى وتەۋ بويىنشا مىندەتتەمەلەردى ورىنداماۋى ناتيجەسىندە وسى تالاپ ەتۋ قۇقىعى تۋىنداعان ەميتەنتتىڭ ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارىنىڭ سايكەستەندىرگىشىن بەرۋدى جۇزەگە اسىرادى جانە تىركەۋشىگە جانە ۋاكىلەتتى ورگانعا وسىنداي ەميسسيالىق باعالى قاعازداردىڭ ۇلتتىق سايكەستەندىرگىش ءنومىرىن كورسەتە وتىرىپ, ەميتەنتتىڭ ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارىنا بەرىلگەن سايكەستەندىرگىشى تۋرالى مالىمەتتەردى جىبەرەدى.
ورتالىق دەپوزيتاري بىرمەزگىلدە وسى تارماقتىڭ ءبىرىنشى بولىگىندە كورسەتىلگەن مالىمەتتەردى جىبەرە وتىرىپ, تىركەۋشىگە:
ورتالىق دەپوزيتاريدىڭ ەسەپكە الۋ جۇيەسىندە اشىلعان ەميتەنتتىڭ جاريالانعان باعالى قاعازداردى ەسەپكە الۋ ءۇشىن قوسالقى شوتىنداعى جانە ەميتەنتتىڭ ساتىپ الىنعان باعالى قاعازداردى ەسەپكە الۋ ءۇشىن قوسالقى شوتىنداعى اينالىس مەرزىمى وتكەن جانە ەميتەنت ولاردى وتەۋ بويىنشا مىندەتتەمەلەردى ورىنداماعان, ەميسسيالىق باعالى قاعازداردىڭ سانى تۋرالى;
قازاقستان رەسپۋبليكاسىنىڭ زاڭدارىنا سايكەس وسىنداي قۇقىقتارى بار مەملەكەتتىك ورگانداردىڭ اكتىلەرى نەگىزىندە باعالى قاعازداردى ۇستاۋشىلاردىڭ قوسالقى شوتىنداعى وقشاۋلانعان باعالى قاعازداردىڭ سانى تۋرالى مالىمەتتى جىبەرەدى.
37. ورتالىق دەپوزيتاري تىركەۋشىدەن ورتالىق دەپوزيتاريگە باعالى قاعازدار ۇستاۋشىلارىنىڭ ءتىزىلىمى جۇيەسىندە اشىلعان جەكە شوت بويىنشا اينالىس مەرزىمى وتكەن ەميسسيالىق باعالى قاعازداردى ەسەپتەن شىعارۋ جانە ەميتەنتتىڭ ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارىن ەسەپكە الۋ بويىنشا جۇرگىزىلگەن وپەراتسيالار تۋرالى حابارلامانى (ەسەپتى) العاننان كەيىن دەپونەنتتەردىڭ جانە ولاردىڭ كليەنتتەرىنىڭ قوسالقى شوتتارىنان وسىنداي ەميسسيالىق باعالى قاعازداردى (نومينالدى ۇستاۋدى ەسەپكە الۋ جۇيەسىندە قازاقستان رەسپۋبليكاسىنىڭ زاڭدارىنا سايكەس وقشاۋلاۋدى جۇرگىزۋگە قۇقىعى بار مەملەكەتتىك ورگانداردىڭ اكتىلەرى, كىرىستەردى جىلىستاتۋعا قارسى ءىس-قيمىل تۋرالى زاڭدا كوزدەلگەن تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالار تىزبەسىنىڭ نەگىزىندە وقشاۋلاۋ وپەراتسياسى جۇرگىزىلگەن ەميسسيالىق باعالى قاعازداردى قوسپاعاندا) ەسەپتەن شىعارۋ جانە وسى باعالى قاعازدار بويىنشا تۋىنداعان مىندەتتەمەلەردى (اۋىرتپالىق سالۋ, سەنىمگەرلىكپەن باسقارۋ) ساقتاي وتىرىپ, ەميتەنتتىڭ وسىنداي ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارىن ەسەپكە الۋ جونىندەگى وپەراتسيالاردى جۇرگىزەدى جانە دەپونەنتتەرگە:
اينالىس مەرزىمى وتكەن جانە ەميتەنت ەميسسيالىق باعالى قاعازداردى وتەۋ بويىنشا مىندەتتەمەلەرىن ورىنداماعان ەميسسيالىق باعالى قاعازدار بويىنشا ەميتەنت جول بەرگەن دەفولت;
ەميتەنتتىڭ وسىنداي ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارىنا بەرىلگەن سايكەستەندىرگىش;
ورتالىق دەپوزيتاريدىڭ ەسەپكە الۋ جۇيەسىندە دەپونەنتتەردىڭ جانە ولاردىڭ كليەنتتەرىنىڭ قوسالقى شوتتارىنان اينالىس مەرزىمى وتكەن ەميسسيالىق باعالى قاعازداردى ەسەپتەن شىعارۋ جانە ەميتەنتتىڭ وسىنداي ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارىن ەسەپكە الۋ بويىنشا جۇرگىزىلگەن وپەراتسيالار تۋرالى مالىمەتتەر قامتىلعان حابارلاما جىبەرەدى.
ورتالىق دەپوزيتاري ورتالىق دەپوزيتاريدىڭ قاعيدالار جيناعىندا بەلگىلەنگەن تارتىپپەن ەميتەنتتىڭ اينالىس مەرزىمى وتكەن ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارىنىڭ سايكەستەندىرگىشتەرى ءتىزىلىمىن جۇرگىزۋدى جۇزەگە اسىرادى.
38. ورتالىق دەپوزيتاري ورتالىق دەپوزيتاريدىڭ ەسەپكە الۋ جۇيەسىندە قازاقستان رەسپۋبليكاسىنىڭ زاڭدارىنا سايكەس وسىنداي قۇقىققا يە مەملەكەتتىك ورگانداردىڭ اكتىلەرى جانە كىرىستەردى جىلىستاتۋعا قارسى ءىس-قيمىل تۋرالى زاڭدا كوزدەلگەن تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالار تىزبەسىنىڭ نەگىزىندە ەميسسيالىق باعالى قاعازداردان وقشاۋلاۋدى الۋ بويىنشا وپەراتسيانى جۇرگىزگەن كۇنىنەن كەيىنگى كەلەسى جۇمىس كۇننەن كەشىكتىرمەي تىركەۋشىگە ول تۋرالى حابارلاما جىبەرەدى.
39. ورتالىق دەپوزيتاري تىركەۋشىدەن قايتا ۇيىمداستىرىلاتىن قارجى ۇيىمدارى اكتسيونەرلەرىنىڭ جالپى جينالىسى شەشىمىنىڭ كوشىرمەسىن جانە تىزىلىمدەر جۇيەسىندەگى ورتالىق دەپوزيتاريدىڭ جەكە شوتىنان ءۇزىندى-كوشىرمەلەر العان كۇنى ورتالىق دەپوزيتاريدىڭ تىركەۋشىدەگى جەكە شوتى بويىنشا وپەراتسيالاردى ورتالىق دەپوزيتاريدىڭ ەسەپكە الۋ جۇيەسىندەگى ءتيىستى جەكە شوتتاردا (قوسالقى شوتتاردا) كورسەتەدى جانە ورتالىق دەپوزيتاريدىڭ ەسەپكە الۋ جۇيەسىندە تىركەلگەن وپەراتسيالار تۋرالى ەسەپتەردى دەپونەنتتەرگە جىبەرەدى.
5. تۋىندى قارجى قۇرالدارىمەن مامىلەلەر تىزىلىمدەرى جۇيەسىن
قالىپتاستىرۋ جانە جۇرگىزۋ جونىندەگى قىزمەت
40. تۋىندى قارجى قۇرالدارىمەن مامىلەلەر تىزىلىمدەرىنىڭ جۇيەسىن (بۇدان ءارى - ءتىزىلىم) قالىپتاستىرۋ جانە جۇرگىزۋ جونىندەگى قىزمەت ەكىنشى دەڭگەيدەگى بانكتەر, باعالى قاعازدار نارىعىندا بروكەرلىك جانە (نەمەسە) ديلەرلىك قىزمەتتى جۇزەگە اسىراتىن ۇيىمدار جانە ينۆەستيتسيالىق پورتفەلدى باسقارۋ جونىندەگى قىزمەتتى جۇزەگە اسىراتىن ۇيىمدار (بۇدان ءارى - سۋبەكتىلەر) ۇيىمداستىرىلعان جانە ۇيىمداستىرىلماعان نارىقتاردا تۋىندى قارجى قۇرالدارىمەن جاسالعان مامىلەلەر بويىنشا ۇسىنعان اقپاراتتى قابىلداۋدان, جۇرگىزۋدەن جانە ساقتاۋدان تۇرادى.
وسى تارماقتىڭ تالابى ۋاكىلەتتى ورگانعا قولدانىلمايدى.
41. ورتالىق دەپوزيتاريدىڭ ءتىزىلىمدى جۇرگىزۋ ءتارتىبى, سونداي-اق سۋبەكتىلەر بەرەتىن اقپارات فورماتىنا قويىلاتىن تالاپتار ورتالىق دەپوزيتاريدىڭ قاعيدالار جيناعىندا بەلگىلەنەدى.
42. ءتىزىلىمدى قالىپتاستىرۋ جانە جۇرگىزۋ ورتالىق دەپوزيتاريدىڭ باعدارلامالىق قامتاماسىز ەتۋىندە ەلەكتروندىق تۇردە جۇزەگە اسىرىلادى. تىزىلىمدە قاعيدالارعا 1, 2, 3 جانە 4-قوسىمشالارعا سايكەس تۋىندى قارجى قۇرالدارىمەن (فيۋچەرستەرمەن, وپتسيوندارمەن, فورۆاردتارمەن جانە سۆوپتارمەن) جاسالعان مامىلەلەر تۋرالى اقپارات قامتىلادى.
43. ۋاكىلەتتى ورگاندا ورتالىق دەپوزيتاريدىڭ ءتىزىلىم جۇرگىزۋ شەڭبەرىندە قالىپتاستىرىلاتىن دەرەكقورىنا كىرۋگە رۇقساتى بار.
44. ورتالىق دەپوزيتاري ۋاكىلەتتى ورگانعا سۋبەكتىلەر تىزىلىمگە ەنگىزۋ ءۇشىن تۋىندى قارجى قۇرالدارىمەن مامىلەلەر بويىنشا اقپاراتتى ۋاقىتىلى ۇسىنباۋى نە ۇسىنباۋى تۋرالى حابارلاۋ ماقساتىندا 5 (بەس) جۇمىس كۇنى ىشىندە ءتيىستى اقپاراتتى ۋاكىلەتتى ورگانعا جىبەرەدى.
45. تۋىندى قارجى قۇرالدارىمەن مامىلەلەر تۋرالى اقپاراتتى ساقتاۋ مەرزىمى تىزىلىمگە ول تۋرالى اقپارات ەنگىزىلگەن شارتتىڭ قولدانىلۋ مەرزىمى توقتاعان كۇننەن باستاپ 5 (بەس) جىلدى قۇرايدى.
ورتالىق دەپوزيتاري قىزمەتىن جۇزەگە اسىرۋ قاعيدالارىنا 1-قوسىمشا
تۋىندى قارجى قۇرالدارىمەن (فيۋچەرس) مامىلەلەر تۋرالى اقپارات
______________ - _________________ ارالىعىنداعى كەزەڭگە
_______________________________________________________________________________________________
(ەكىنشى دەڭگەيدەگى بانكتىڭ, بروكەردىڭ جانە (نەمەسە) ديلەردىڭ, ينۆەستيتسيالىق پورتفەلدى باسقارۋشىنىڭ اتاۋى)
1. شارت جاسالعان كۇن.
وسى تارماقتا جججج.كك.اا. نىسانىندا شارت جاسالعان كۇن كورسەتىلەدى.
2. شارتتىڭ قولدانىلۋ مەرزىمى اياقتالعان كۇن.
وسى تارماقتا جججج.كك.اا. نىسانىندا شارتتىڭ قولدانىلۋ مەرزىمى اياقتالعان كۇن كورسەتىلەدى.
3. شارت بويىنشا مىندەتتەمەلەردىڭ جاي-كۇيىنىڭ كودى.
وسى تارماقتا شارت بويىنشا مىندەتتەمەلەردىڭ جاي-كۇيى مىناداي كودتاۋعا سايكەس كورسەتىلەدى:
ت – شا